Plantun de Prouvènço

Pèr coumpara dos planto d'encò nostre

Carex panicea & Glycine max

Queirello(-faus-mi)

Carex panicea

Cyperaceae

Àutri noum : Moutouso, Sagneto.

Noms en français : Laîche bleuâtre, Laîche faux panic.

Descripcioun :
Poulido queirello que trachis dins li relarg bagna en mountagno o dins li palun. Es uno planto que fai un rizoumo d'ounte sorton lis espigo e de fueio verdalo qu'embrasson proun la cambo. I'a uno espigueto masclo (en aut) e 1 à 3 espigo femello pas trop sarrado e emé un long pecou. Lis utriculo de 3 à 4 mm, soun claro emé un bè forço court. I'a tres estigmato (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Palun
Estànci : Mesoumediterran à Subaupen
Couroulougi : Éurosiberiano
Ref. sc. : Carex panicea All., 1785

Soja

Glycine max

Fabaceae Leguminosae

Noms en français : Soja, Soja protéagineux.

Descripcioun :
Lou soja èi pas gaire cultiva au nostre, pamens se pòu trouba d'aqui d'eila. Es uno planto de l'an, peludo que fai de pichòti flour vióuleto. Li dòuso soun gibouso e proun peludo.

Usanço :
Sabèn que lou soja que nous vèn d'Asìo, èi cultiva subretout pèr si grano d'ounte se fai de "la" paure en graisso e riche en proutido, o peréu d'òli ; lou soubre èi douna i bèsti (tourtèu).

Port : Grando erbo
Taio : 0,4 à 1(1,5) m
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Glycine
Famiho : Fabaceae
Famiho classico : Leguminosae

Coulour de la flour : Vióuleto
Petalo : irreguliero
Ø (o loungour) flour : 4 à 6 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto cultivado

Liò : Champ
Estànci : Subremediterran
Couroulougi : Óurigino asiatico
Ref. sc. : Glycine max (L.) Merr., 1917

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex panicea & Glycine max

ges

Coumpara Queirello(-faus-mi) emé uno autro planto

Coumpara Soja emé uno autro planto